同朋友去海洋公園玩~~

呢日我同朋友去海洋公園玩 ^^

趁未加價前, 買左張學生全年證, 一得閒就可以同朋友去玩lu~

呢日好好天呀, 所以我著左呢條藍長身裙, 加埋頂草帽, 好有夏日feel呀

入去第一時間去左夏水禮果邊玩, 入左恐龍館睇下D機械龍

雖然有D假不過幻想如果而家仲有龍0係我身邊跑黎跑去, 都幾驚

之後入左考古館, 0係個沙池度扮考古學家撥沙搵化石~ 哈哈

之後就去夏水禮果邊,不過都係睇下無真係落水玩

行完長命電梯後, 就係D機動遊戲, 不過我怕怕..所以唔玩得

咁我地就去左好多館涼冷氣, 有海洋館, 水母館

因為我地想睇冰河世紀3 果個館, 就走去搭纜車,

去到仲以為動感影院重開, 點知原來都係睇公仔....

跟住就搭返纜車返對面玩摩天輪, 睇下風景吹下風, 唔錯

玩埋摩天輪都已經日落lu, 所以就搭返纜車離開海洋公園喇

下次應該等到哈囉喂先再黎過 ^^