由細到大我都係冇恆心既人黎...所以我先成日變左月記...我真係好抱歉
自從我轉左家庭之後我都冇咩再打,有好多原因 其一真係冇特別其二係冇時間
我好似成日都會開左電腦係到咁,但好多時其實我都唔係坐係電腦到
只係星期三or星期六會多少少,因為星期三早放,而星期六因為假期
但星期日佢地有家庭日,所以我係早出晚歸果d黎既!!而我決定由今日開始日日打日記
前排月頭果陣carol,alan黎左搵我....見返香港朋友真係開心好多!!
但係大家都知唔會成日見,所以好珍惜見面既時間..因為始終見面時間唔長
比利時法語區我呢個城市有好多事發生...超多人轉左家庭,host dad死左
親生爸爸有事要er...有人覺得係到曬時間又er 計計下好似個個都出曬事咁
而我都係轉左家庭既一員...轉左家庭係比之前果個好好多...
但係人總係貪心既,當你滿足到以前想要既野果陣又會有新既野想要
我d朋友問我,,你唔會悶嫁咩?因為我新既家庭得一個一歲既弟弟,當然仲有父母
而我既答案係唔會...因為我係到耐左 悶字對我黎講已經習慣左
有時見到人地果d家庭有兄弟姊妹好開心咁,我都好羨慕嫁
但係咁仲有..令我更珍惜我香港既家人!!黎左呢邊3個月 法文聽得明8成
係日常對話,而唔係上堂!!但前排同家庭都有爭執 就係佢地認為我成日係到覺得悶
佢地認為我返學覺得悶係因為我唔識法文,係我唔比心機學法文!
我覺得我呢個家庭都係幾push我去學法文,而果下我都會係到諗會唔會真係我唔夠比心機呢..
今日我如常返學,,我本來想6點15分起身,但係最後7點先起身,因為真係太凍...唔想起身
我返學要坐2架巴士所以要成個鐘...如果我第一堂係有堂既咁我一定要早起身!!!
如常返學.我宜家有追埋2g同2h既法文堂...仲有我自己本身既5b 所以我一星期係有多過16堂法文
但我一星期總共係上25堂姐!!所以其實我係到真係成日都係法文.,,係好悶好悶!
老師有時會黎教我,用英文教我,但佢都有佢既難處所以唔會成日教!!
而我都會體諒..所以好多時都係試聽,但大多數都係聽唔明既!!
係比利時每星期三都係會放早,放12點...我同我朋友一起坐車出城市中心再轉車返屋企,
全程多過15mins 我係咁同我朋友講我同我家庭既事,仲有我既難處,我係呢到既感受等等
當然我係用英文...係我講既同時有個女人係咁望住我!!之後到左城市中心落車,有人叫住我地
佢同我朋友講野問佢我識唔識講法文..佢就話識識地 佢再問我個朋友識唔識講法文,我朋友緊係識啦
之後佢就再問我朋友明唔明我講咩.佢就話明...原來果個女人係想搵我做佢個女既英文老師
佢offer 1 or 2 hrs係25歐!!!但因為我唔識法文所以我個機會就咁白白比左我個朋友
後來佢同佢個女介紹我朋友話佢英文好好嫁,,,全程車係咁講英文講得好叻嫁佢
但我心入面諗...其實全程車有出聲講野果個係我...我果刻真係覺得如果我識法文世界會有幾好!!!
所以我更有決心學好法文!!!!!
而我今日早放同我朋友傾計...講開大家都好忙 其實我又有諗過我有幾多時間真係讀法文
真係有d慚愧...所以我一定要再比心機d!!!努力!!!!!
