[非妝物]萬能蘆薈!!!

蘆薈一向都係保濕, 消炎, 收斂一流o既天然護膚品

仲可以用o黎食, 煲糖水, 整蘆薈雪梨茶.............

有咁多好處, 所以阿媽尋日就買左棵蘆薈番o黎

今朝就拎o左o黎full

剪o左一忽仔蘆薈出o黎, 之後切左其中一邊o既皮

切o的皮o個陣會有o的黃色液體流出, 抹走佢, 會刺激皮膚

再放落碗度用叉扒o的蘆薈肉出o黎

扒o左o的肉出o黎就可以full上面度嫁喇

質感就似o係鼻涕同核突膠之間咁杰撻撻, 又或者係落得太多生粉o既茨汁咁, 有o的核突

陣味就係良才里定期剪草出現o既草青味

雖然full時要忍受以上兩樣野, 但真係保濕效果好好

我仲full o左o係粒瘡上面, full完之後發覺粒瘡縮細o左, 效果仲好過oxy 5號

不過每次full都唔會用哂成條蘆薈, 剩番o既點算呢?

只要用個保鮮袋袋住放入雪櫃度, 第二日就可以拎出o黎繼續full

個人亦建議最好雪一雪拎o黎用, 黃色汁液會少好多