FEBRUARY

Ello - 星期二 2010年2月09日 14:31 [ Life ]

2010年咁快就過咗一個月喇，二月份即係就快過年，都幾開心嘅，有利是收喇，可以同啲frd行花街喇~

大學凈低3/8嘅時間，要睇多啲書學多啲嘢，無論日後如何，呢啲都係非常必要嘅，而我而家最缺乏嘅嘢就係知識，雖然時日無多我會爭取時間學多啲知識嘅，咁嘅自己先係最緊要o架嘛。奸爸爹！

最近發現喺學校嘅圖書館裡面見到好鬼多中學同學，呢個時候應該係放緊假嘅，但點解甘鬼多人仲返學睇書，大家都話鈡意學校嘅環境，與我嘅想法不約而同。喺屋企外面一棵樹都冇，空氣又差，都係學校好啲，而且證明我哋中學同學都鈡意睇書。我要慢慢收拾咗嗰個hea嘅狀態了，goGOgo！

我打呢篇blog嘅時候聽緊農夫首「娛樂圈殺人事件」，啲詞寫到好鬼現實，咁現實啲都好嘅，唔洗成日生活喺嗰啲腦海中嘅臆想世界裡面。跟住就loop到去西野カナ隻「Dear.../MAYBE」，感覺呢隻碟最適合我喺圖書館裡面聽。

好喇，寫住咁多先。

閱讀 (49), 引用 (0), 回應 (3)

發表回應