CANDY GIRL

尋晚因為要寫一篇睇完「Camina Burana」後嘅感想，搞到凌晨5點幾先瞓，跟住早上落小雨搞到好想繼續瞓，但之後8點幾就準備去上堂，中午就攰得緊要然後從1點幾瞓到晚上7點幾叫外賣搞掂晚飯。

睇完「Camina Burana」令我對中世紀歐洲嘅精神又有咗進一步嘅認識，雖然係唱Latin文完全聽唔明，不過可以睇字幕。中世紀開始一直就係一個神駕馭嘅世紀，然且呢種神駕馭形式一直延續到現代，好多而家睇嚟屬於宗教嘅文化，喺當其時嚟講係屬於哲學問題，所謂嘅「神-哲學」。

將世界本源化作係不變嘅上帝產生一個「神即存在本身」嘅觀點，繼而像Augustine分劃出個「上帝之城」與「塵世之城」……繼而演變出一套對上帝存在嘅證明熱潮，當然到現今世界嚟講亦都冇邊個哲學家能夠證明上帝係存在嘅，不過正如Augustine所說，佢之所以去證明係因為佢相信。

最近經常喺返學嘅路上哼著一句歌詞「Life is only game and love is only game, like a circus」，因為最近好鈡意聽中島美嘉嘅「Candy Girl」。生活只是遊戲，愛情只是遊戲。就好似喺Camina Burana，儘管在命運之輪的駕馭，人們一樣可以相愛與縱情。

呢隻碟一共出咗四個versions，我就最鈡意呢個封套，限量B據說已經係預購階段就被搶購一空。不過嘗試多種風格嘅中島美嘉我覺得佢係成功嘅。不過我覺得而家日本拍MV傾向歐式，即係日本所講嘅視覺系，而呢個造型又的確好似歌劇Cats中嘅角色style，不過我都係buy佢嘅。