来年は，そろそろ来るか？ 準備がいいの？
曾幾何時覺得「光陰似箭，日月如梭」這種句子誇張得離譜，誰知現在自己感覺這八個字真的很有功力，對著很多事情都會彈出一句「懐かしい」，原來不知不覺時間就溜得不知去向，如孔夫子所言「逝者如斯夫，不捨晝夜」。
係咪要倒帶回顧返09年嘅重大事件？ー我諗真係冇咁嘅必要。雖然對於我嚟講真係發生咗好多特別嘅事，只不過好多嘅事我唔講有啲旁人又唔知就會覺得我無所事事咁過咗一年，又有啲旁人認為我今晚要溫書冇人陪我喺啲荒山野嶺裡面倒數過新年就兜口兜面咁話我好折墮好淒慘，我知呢啲旁人都只不過係想曬下幸福啫……其實我都諗得好開，年年都倒數今年改為溫書啫，仲記得上年同奶姐、Bra姐、墨姐佢哋喺嵐姐間豪宅倒數，雖然仲係歷歷在目不過都已經一年了，嗰時我哋創造嘅潮語到而家講返都覺得好搞笑，雖然我哋成日都俾人come，不過都俾人come得好開心。
講返尋晚喺米倉嘅party真係好hoi sum，可能係自己憋喺間核突dorm度憋得太耐，又可能係自己好難融入「大中國」文化圈喇，覺得同好多同學都冇乜共同話題共同目標以及集體回憶，我覺得我就係生活喺一個「異族世界」，好難想像可以喺屬於自己嘅城市裡面卻生活喺異世界，喺呢啲地方生活真係會癲，所以每次諗到咁我就越發地想轉換一個生活環境，而家諗落真係十分有需要。
「如果我有咩做得唔啱嘅你可以開心見誠咁同我講嘅」ー同我講呢句話嘅係我最唔鈡意嘅嗰個人，不過有時唔係我唔想講，我本來都唔想理你哋咁多o架喇，只要唔好影響我（心情）嘅話，不過我都唔係唔開心見誠咁同你哋講，有時要hold住一個港女版微笑表情同你哋講嘅時候，又當我耳邊風，我都覺得衰嘢我都唔好意思重複又重複喇，咁講一次唔聽咪算囉，我都唔想畫公仔畫出一條腸之後唔夠要畫曬成副腸出嚟，甚者仲要畫出血，真係no comment囉。
正如一啲旁人講得好啱，「我覺得我哋之間好似有一條好闊嘅gap而且我哋都好努力亦都跨唔過」，係呀，你都知我好努力，其實我有時都會覺得你哋係好嘅但就係少咗啲交集（其實幾乎係無交集）……既然係咁即係有緣無份喇，咁就唔強求囉。
負けないで 泣かないで
消えてしまいそうな時は
自分の声を信じ歩けばいいの
苦くて甘い今を生きている
人生の全てに意味があるから
恐れずにあなたの夢育てて
Keep On Believing
學欣姐話齋，該呻嘅趁而家快啲呻曬佢，我真係覺得講啲衰嘢呻曬出嚟個心情頓時舒暢咗好多，明年就要好好生活，對未來總需要無限嘅希望，今年啲衰氣就唔好跟到明年，然後，夢か，叶おう！さって，俾咗我一年回憶嘅你、妳、您，ありがとう。
来年，みんなも死ぬ気に幸せになろう！俺ねェ，もちろん一番ラッキだもんねェ～！ハッピも大切だよ，死ぬ気に頑張ろう！
最後呢，有緣閱讀完呢篇文章嘅你or妳，祝你or妳來年幸福快樂喇。
haha,
happy new year,ello!
今年も頑張ってくださいね。