係一班由倫敦返港既航班上面, 坐住滿滿既客人, 係第一餐之後, 航機非常搖晃, 係廚房既我地, 都聽到好多客人既嘔吐聲...有部份客人更係一個嘔吐袋都唔足夠, 要黎問我地拎多幾個。
到第二餐派發既時間, 我地都要好小心, 因為當時機身仲係搖得好厲害...係呢個時候, 我身後既一個女人突然好大力推開我之後企起身! 嚇得我!...
佢一企起身...竟然...嘔....
嘔既客人我見得多...但係我真係未見過...佢係我派餐既時候, 當住我面, 企係走廊...好似噴射機咁噴出黎...咁大家可以想像, 佢身邊既客人...衫...頭髮...食緊既野...都噴上左佢既嘔吐物...
o......係呢個咁既時候, 我可以點呢...好在我既section leader咁啱行左出黎, 我就即刻叫佢比條毛毯我遮住個地下先啦, 再比一咋紙巾d客人清理下; 始終係派餐時間, 我無可能去清潔完先派餐嘛...比你見我清潔完, 我諗我派比你既野你都應該唔會好想食...
但!!!件事係未完架!!呢位小姐...佢係走廊嘔完就即刻衝入廁所啦...唔好彩既係...3個廁所都有人...咁佢又趕住嘔...只好....係廁所門口又噴囉...廁所門口第一排既客人見到佢咁...都呆左...佢仲差d噴上我partner架餐車上面...好在佢避得到...唔係真係唔知點算=.=
o...我只好喇喇聲推返餐車入去, 拎毛毯遮得就遮...之後同受影響既客換返d餐同睇下佢嘔成點...比定袋同暖水佢...
嗯....雖然我都覺得佢好慘...不過都要講一講...就係...
飛機遇到氣流而搖晃的確係會好易令人唔舒服, 不過大家要記住, 唔舒服就要問我地拎定袋...其實座位前面既袋都有一個嘔吐袋既, 不過真係好辛苦既時候可能都唔會夠...最重要既係唔好等到last min 先黎搵我地, 想幫你都幫唔到架啦.....
呢班機上面另一件怪事就係...個廁所門比人拆左出黎...
o...其實...呢個問題都出現左好多次...門上面係有「推」同「拉」字架! 大家發現推唔得既時候, 不如試下拉ar...果位客人應該食開夜粥...死命咁推門, 一推...就成度門甩左出黎...
其實要裝上去都唔係難既, 不過當時我地好忙...就打算做埋d手尾先去整返好度門啦。因為當時都差唔多要landing, 梗係盡快收好野先...同埋度門係就係甩左出黎...不過兩個門較位都仲係連住, 就算我地唔理佢, 係降落時候都唔會有咩危險。
點知...有位「熱心」既客人...係我地幫到無人得閒留意佢既時候, 佢想幫我地手...裝返度門上去...結果...比佢拆埋個較位...今次就真係吊吊揈(正字時間:音fing)啦...同事幾經辛苦先塞得返個較入去...
唉.....八個鐘既機程...都搞到好攰呢...
