白雪公主 (175)
女巫用魔鏡得知……
海水呢兩日入左城堡跟蹤佢……
於是女巫向侍衛舉報……
侍衛好有效率咁將海水包圍起黎。。。
海水拔劍,,
心裡忐忑不安︰
「點解……係幾時畀人發現架？？
我雖然打得下姐……
但呢度大大話話都有幾百人……
圍毆都有個限度丫……
以一敵百咩大佬……
如果我就咁係度畀人亂刀劈到開花……
咁我岩岩發現既新線索就趕唔切畀人知道……
王后又可以繼續得戚……
或者……
就算我咁好彩冇畀人劈死……
只係畀人捉左……
王后都有排折磨我……」
之前女巫曾經搵過唔同既殺手去暗殺海水……
但係海水次次都毫髮未傷……
可見佢係幾好武功……
不過……
再屈機既人都冇可能好似突擊自由高達咁……
一個打幾百個……
所以海水了解到……
佢冇時間陪呢班友打交……
搵機會逃走先係上策。。。
侍衛既隊長喝問︰
「大膽狂徒！！竟敢係王后居所附近鬼鬼祟崇！！
你都係束手就擒啦！！上！！」
海水環顧四周,,
根本無路可逃,,
後面一把刀襲來,,
佢立刻轉身用右手提劍擋格。。
侍衛們見到海水既武器被牽制住,,
三人就奮不顧身咁向海水飛撲,,
海水見到d侍衛比色狼更狼,,
右手卻已被牽制,,
連忙用左手舉起洋傘阻擋擒撲。。
氣都未抖定,,
海水右手發力,,
又將右邊既敵人推開,,
揮劍劃左幾圈,,
右方既侍衛一時唔敢靠近,,
左方卻有亂刀劈至,,
佢急忙抽調右手去開遮,,
運用內勁一推,,
幾個侍衛即被彈開落地,,
可憐既係,,
洋傘捨身護主,,
穿左幾個窿,,
連遮骨都折斷。。。
自從知道有反光既不明物體後……
海水每逢出街都帶住呢把洋傘……
今次把遮都算救返佢一命。。。
<待續…>
