收工去踢波, 今晚係四強vs fever既比賽
柒頭領隊唔係香港, 由我暫代, 估唔到無人有波
係無波既情況下會當輸三比零, 結果要買左之前踢緊果班人既波
上半場戰況激烈, 越來越多埋身動作
0:0完半場, 下半場一開波林浩入波領先1:0
之後對面越踢越燥, 開始開拖, 係一個罰球亞肥係龍門面前做反人牆
結果撞到對方個口比人趕出場, 踢咁多年波第一次做紅牌亞姑
最後都係贏1:0完場, 下場就對上次打架既GN爭冠軍
收工同勳哥係旺角食生日飯傾下心事
估到佢有好多野煩, 吹下吹下又晏左
番到屋企依然發覺大把野未做, 有少少思覺失調...
今日推介 - 葉問2長版預告
昨日睇完歲月神偷就係旺角同林啟既兄弟團打邊爐
一路食一路睇曼聯vs利物浦
雖然曼聯先失一球, 最後都反勝2:1
星仔又入波, 好野!
睇完波又劈酒, 乜都飲一餐, 仲有Lady 佳佳既醉酒表演睇
成堆人開開心心咁劈左一晚酒~
今日訓醒同joan去朗豪坊睇歲月神偷, 估唔到既係劇本連廁所位都無
套戲其實故事內容很簡單
根本脫不出一些悲情電影既劇情框框
但是表達方式就真係正到爆
例如
1."鞋字 係一邊難 一邊佳"
"做人 總要信"
這表達出6,70年代的人雖然生活
很苦 但是對生活充滿希望和積極態度
好過呢家80後班撚樣淨係識怨
2. 任達華和細佬既對話
父:今日學校教左乜
子:中文同英文
父:中文教乜
子:中文
父:英文教乜
子:英文
細佬既回答擺明係廢話
但是簡單幾句已表現出做爸爸既任達華
雖然沒有學識 但係郤非常關心個仔
同我老豆一樣, 成日問我間舖點
3.當大仔患血癌末期時, 護士要求輸血
護士問新鮮血$200 冰鮮血$100
任達華想也不想就說:緊係新鮮啦
仲要賣埋隻介指去買血，表現出父親無論生活多難
都會比最好個仔
仲有好多微細既感動位都做得唔錯, 強烈推介各位入場睇
