講下我翻到美國呢半個月嘅事
落機已經係2020，翻到apt係2055，因為第二日（週二）仲要翻學，所以想抖足精神，但係我應該係發燒，全晚基本冇瞓過。所以本學期首回上堂，勁辛苦，仲要上到晚黑九點半，既唔舒服又眼瞓，晚黑三小時嘅堂大概有一半時間精神處於恍惚狀態。
到咗週三，天氣竟然回暖到15攝氏度上落，兩件衫已經好夠，因為知道就嚟有snow storm所以去supermarket買咗啲食物。可惜自己退咗燒之後竟然有腸胃炎，之後一整個星期都非常之辛苦，如無意外係因為太勞累而病到七彩。
到咗週四因為停課令我有了難得嘅休息時間。不過因為miss咗Week 1啲堂，所以仲係有唔少嘢要catch up。
以前經常唔煲湯嘅我現在經常煲湯，我覺得多啲飲湯水食湯渣，攝取嘅脂肪會少啲。喺外面就餐嘅次數少咗，我覺得我喺飲食方面嘅使費至少下跌咗50%。喺超市買餸或者買其他食物，基本上見到脂肪含量達到50+%嘅通通唔會考慮。有fat-free嘅就盡量fat-free。成年幾時間冇買過bacon，今回買嘅係改良過嘅，大概reduce到20% fat。自從上年4月開始，我已經冇買過icecream食。今回係買咗三盒fat-free嘅haagen dazs唔同款但都係berries味嘅sorbet。我覺得我今次帶翻嚟美國嘅湯料已經足夠我煲幾十次湯了。今晚係weekend，我都會食翻我已經好幾年冇食過嘅優の良品芒果干。呢啲都算係我極少數會擺落口嘅零食了。
熟識我嘅人都應該知我係Marc哥fans。半個月前喺MBMJ retail store見到啲過季衫都係6折左右，剩翻好少款。某online store每日都會send嚟e-mail告之是日推出打折嘅brands，早幾日輪到MBMJ，見到低到三八折，便諗都冇諗買咗兩件同款唔同色嘅dress shirts。此外，今日都係自己個wardrobe「抄」翻一個N年前購自某vintage店鋪，但我已經兩年幾三年冇用過嘅來自英國嘅中型size嘅羊皮tote bag出嚟，佢埋喺入面兩年時間，真係已經封曬塵。現在嘅我睇翻，竟然仲鍾意過我當初買嗰陣。以往不能機洗嘅衫褲我都會好是但地掟入去部洗衣機，現在嘅我竟然真係會去手洗。
年紀漸長，自己啲行為都改變了不少。
