我好開心可以同朋友聚下舊，
亦令我心情變得平伏。
T小姐突然問我係咪翻咗嚟，
因為佢有親戚住喺我樓上。
我問佢得唔得閑出嚟食飯，
佢都話好。

尋晚我AUNTIE請食飯，因為大我唔夠一年嘅表姐已經嫁咗去加拿大，所以咁多親戚入面，同我年紀差唔多大嘅人根本就冇。當時係有少少懷念以前可以同我表姐一齊玩一齊傾談嘅日子。我AUNITIE有一子一女，個女讀緊初中，我嚟到之前已經發脾氣拍枱走咗人。個仔讀緊小學五年班，成餐飯一直肆無忌憚咁鬧佢阿媽，跟住其他親戚就又一味話佢冇禮貌啊咁。呢啲鬧劇式嘅飯局真係家常便飯。一方面我覺得啲細路真係好有問題，另一方面我又覺得啲長輩咁鬧法又有咩用。我時不時爆嘅幾句毒言毒語，一個天資一般嘅小學生又聽唔明。

我前日去咗睇醫生，攞咗一啲止鼻血嘅藥，同埋控制鼻炎嘅藥。我流鼻血已經流咗好耐，過去嘅一年間，每個星期流大概5-7次。咁講真係好嚇人，但係流得多流到我都麻木曬，我知其實問題唔大嘅，所以終於揾咗一日去睇醫院攞藥。

跟住喺我連續流咗好多好多好多日鼻血之後，尋日終於冇流。翻美國嘅時候，我應該會帶一定數量止鼻血嘅藥膏，同埋大量嘅噴霧去抑制鼻炎。我知鼻炎好難醫，我亦都冇咁嘅時間去醫。

另外喺醫院亦做咗個Skin Prick Test,我嘅過敏反應都幾嚴重。對啲螨蟲係好過敏嘅，對啲甴曱都唔得，貓毛都唔得，狗毛就OKAY。翻到美國之後就唔可以好似之前咁LEA HEA，真係要執翻啲嘢整齊啲先得。（最有效嘅方法係自己唔好再成日購物狂上身。）

我唔鐘意講大話，所以經常聽一八七二遊花園的同時都經常帶人遊花園。

講大話，應該會令人緊張心虛，at least我會。我討厭嗰種感受。有時會問，我是否有講大話嘅必要？但係又冇。我有唔愿提起嘅往事，其實可以好冷靜咁表示不愿提起，總好過講大話去推搪別人。更何況每解釋一個大話又需要另一個大話去掩飾。

從美國翻嚟都已經大半個月，但係一直都唔得閑或唔記得寫BLOG。

拋開感情事唔計，其實生活都幾忙。同屋企人見面食飯。同朋友聚下，咁啱我又呢個月生日。

使 錢使咗好多。好耐冇行街買衫。唔知點解完全唔想著舊衫，買咗好多衫，除咗DRESS SHIRT冇買。不過唔會好似細個嗰陣會亂買，買親嘅都偏成熟咗。就連JACKET都有買，留翻凍嗰陣先著。買咗新手機，正在用紅色NOKIA E75，我覺得幾好用，有個query keyboard。之前一對VISVIM嘅高筒SNEAKER著咗一年幾，亦都換咗對NIKE TENNIS CLASSIC嘅SNEAKER，係有復刻FEEL嘅，仲係第一次著到44碼。唯一較為STREET FASHION少少嘅係一件NIKE風衣，好輕嘅風衣，林峯在LET‘S GET WET PRESS CON著嘅嗰款，不過我冇買黃色，買嘅係黑白波點款。我絕大部分的時候出街，身上只會有黑白灰紅四種色。