繼Reg Day之後第二個由我PIC嘅event!
今次搞得好成功呀! 好多謝另一個PIC Ruby啦首先~
當然其餘各莊員都係好緊要好合作!!
今次我同Ruby都開左幾次會ensuring所有野都做齊唔會執漏
division of work 又做得好!
所以成個event真係好smooth! so far 最成功的一次event呀!!
我自己亦親身去過做一次class visit! 成功拉左好多freshmen黎呀xd好有成功感!!
明明話呢個blog係用黎打我大學嘅生活
但成日都好懶唔打._.
之前舉行今年度第一個活動 O-night
主題係 Colours !
全部人都要著到全身同一隻色系嘅衫褲咁黎~
都幾好玩幾成功! 但係個canteen真係食屎的, 勁遲先交場比我地
搞到我地prep.得唔好!
呢個係my favourite prefessors, 佢地係兩公婆! 
題外話一講
上次開會, 我同sherry係meeting room帶黑超玩!xd
唔知會唔會比lyn鬧我地呢下次?? "some ppl will complain!"
雖然已經係第2年參加o-camp
但由於上年我只係參與過第2日嘅經驗, 所以今年好多野對我黎講都好新鮮
我係第4組嘅組爸, queenie 同 germaine 係組媽, 組名: "華麗大四喜" ..
組仔x1 = chi wing
組女x7 = ada gloria hilary denise joanna irene esther
最深刻唔係玩咩game, 而係第2晚一齊係lounge睇惡作劇2吻&食糖水
一路睇一路食, 又話直樹太無敵, 益左林依晨 XDD
對自己黎講感覺最大當然係 internal society grass&flower election啦, 我PIC喎
出到黎大家都話好好玩好enjoy, 我都好開心!
雖然我唔係一個好盡責同好投入嘅組爸
但同你地一齊玩真係好開心, 一世人無乜呢啲機會!
29 July > Jupas result released
30 July > Non-jupas
31 July > Jupas
freshmen 都沒有什麼驚喜
質素更是意想不到地低. 有點失望!
去左沙田某屋企開party, 準備迎接容祖兒麥麥送
成班人癲晒, 係個窗台見到佢由架保母車行出黎已經喪嗌
之後佢地坐係sofa, 我就負責開門
我聽到容祖兒嗌: 係咪叫左麥麥送呀?
我就由個peep-hole望下佢先
好好笑, JY 都單眼望入個 peep-hole 到
我又係望住佢, 我已經笑左 xd
之後開門, 我望住佢佢望住我
呆左, 大家都呆左 (我稔佢已經認得我, 係到心稔點解會係我 xd)
之後我本能地: 嘩..... 容祖兒呀!!!!!!!!!!!!! (升key版)
之後後面班人全部都即刻嗌爆...就好似喜力個廣告咁
之後我係呆到唔記得要開閘比佢入黎
開左之後成班人係拉住JY入屋 XD
JY 放低食物收左錢就入正題
佢問我地想做咩
我地就話唱歌, POWER MEDLEY!
佢話送外賣無咁多力 XD
之後佢揀左 <23事> 一齊唱一齊跳
真係high都震, 容祖兒仲high過我地
佢稔住學個廣告, 叫我地一齊拋啲野上天花板 xd 勁低能
之後佢話: 你咁靚仔, 一齊唱啦 (遞之咪比我,但我已經怕醜到死)
佢話我地成功將沙田第一城變做紅館!
之後就大合照時間, 跟住就影個人照
個個排住隊影, 影完DC就影即影即有 XD
佢話我地營造到4000人排隊嘅效果, 仲笑問係咪隔離屋啲鄰居都黎左
咁我地錄 '23382338' 果段promo就特別啲
JY 提出話一齊扮 shake shake 廣告入面一班人坐電梯左右郁果幕
其實我唔講, 你地知唔知我地係扮緊呢幕?
咁就一齊做啦
之後發現原來我做錯左, 跟錯左step
再錄過 xdd
簽左好大堆碟
我叫佢寫我個名, 佢話: So軒, 認得你啦, 化左灰都認得你
XDD 呢個女人真係好煩!
最好笑係簽其中一本相冊果陣, JY問呢本邊個架
我地唔知, 就話: 是但啦
之後JY就咁樣簽......
最後我比左封信佢
佢話我啲中文字靚, 但真心覺得好療好核突
佢一入lift已經開始睇, 真係好感動, 佢睇我寫比佢嘅一言一語
之後我地又係窗台睇佢上車啦
我地打開窗大嗌: JOEY! BYEBYE!
佢真係望翻上黎, 同我地BYEBYE
最好笑係, 佢部iphone出黎影我地 xddd
真係煩到喊xdd 同時間係得意到爆
我地之後個個都話佢皮膚真係好好, 都幾高又瘦
份人就緊係nice啦! 不嬲都知架喇~
呢一日嘅經歷真係一世難忘
佢用過支咪已經升價十倍, 我仲話下年我去教學實習要用翻呢支咪去上堂添!
後記:
電視廣告播出街之日正是我20歲生日大日子
夜晚收到好多sms/電話同我講話見到我同容祖兒拍廣告
HAHAHAHA, sherry話係 best birthday gift ever from JOEY!
都講得o岩!!
