♥ 隨時候命終於完成..呼==3 ♥

1個block的standby終於完成，只係call左一班機，難得!
不過反而咁，草莓嚴重地被折磨._.||"
草莓有d朋友唔太清楚我地standby ge情況，下次有機會解釋下先~
今次係屋企等左3日都無消息，第4日先俾duty我飛個Seoul overnight，第6日又再等..
草莓我真係好唔鍾意standby，因為比較喜歡有充足preparation先上機，
雖然都做左年幾，不過無論心態上，精神上，同埋知識上，都係未完全可以對standby應付自如。
加上standby總係趕頭趕命飛番公司，成件事感覺都無咁well-prepared:(



係屋企standby ge時間總係好精神緊張，會不斷refresh公司intranet，
希望快d有notification先黎個心情準備再等佢打電話黎
不過因為打得黎通常都好趕.. 所以真係好怕聽到屋企電話響!
而且做咩都唔安樂..
諗住執下野.. 都無得慢慢執，如果一陣佢call走我呀媽番到黎見到堆爛攤子無人執番黎仲唔b死我
無得出街食諗住係屋企煮下野食.. 又驚煮到一半要走人
好啦，煮完可以食又食得唔安樂，唔通一陣pea低哂d野走人咩？
不過因為試過趕到無朋友ge經驗，草莓點都會係standby開始前化定妝..
但有時真係太早，就會想上番床訓著等..
不過當然係緊張到瞓得唔好啦..
一係唔想整化個妝同整污糟張床.. 身態上唔可以輕鬆地瞓
第二係因為試過瞓著左，趕唔切聽屋企電話，佢打黎手提搵我果陣俾人b..
所以心態上係更加唔安樂.. 仍住佢會打黎嘛
草莓執行李係超慢，所以呢樣係我怕standby其中最怕ge野
因為都唔知去邊.. 冬天衫定夏天衫？UGG定拖鞋？
試過預備哂去凍冰冰New York ge flight，最後cancel flt called左我去熱辣辣ge Melbourne，
dump哂d冬天衫出黎好易.. 不過係冬天極速搵番d夏天衫出黎真係好"lea hea"
自此，草莓個衣櫃係春夏秋冬ge衫樣樣齊.. 個衣欄爆哂._. 
(最慘ge係無得sort out d衫=無位買新衫)
所以其實係屋企等call真係好辛苦，因為全日會進入緊張狀態!

明明上個post先寫完... 點知第一日收到第一個電話又係呀媽打黎._.||"
媽媽係每次明知我standby都會打番屋企ge人..
仲要每次開場白都係：e? 您係屋企呀?
不過今次standby特別多電話.. 唔係Fax就係打錯就係d廣告電話..
而且總會係standby就黎完，個人開始鬆懈ge時候..

... ♩ ♪ ♫ ♬ ♭♮  ♪ ♫ ♯ .... (家中電話的音樂)   

!!!!!!
點解可唔可以遲15分鐘先打黎...
今日仲嚇唔夠咩.....

標籤 ( FA 空姐 standby )