我老豆就搭嗲：咁又係啊，銀行都係靠收息ga咋。
往事能回味也是一種福氣。
其實好奇怪，我記得有一次陳錫海老師同我講，我係佢認識人入邊比較少數的著迷90年代以前的音樂的人，我只能講，我係一個有經歷過八十年代的人，雖然係我的童年時代，但好多同我咁大既人會隨著歲月慢慢將以前既野忘記，而我冇，係因為我明白有D野你係要懂得珍惜先會長久，包括我爸爸，我記得我細個果陣佢就超級喜歡谷川新司，日日都播播到張黑膠平晒咁滯，仲經常會錄低好多新浪潮時期既Music video落VHS，但慢慢，佢都遺忘了，我就反而會刻意揾返呢種感覺，好似Blue Jeans或者Depeche Mode，Cyndi Lauper都係响我童年記憶有住重要位置的音樂。
我記得舊年有個朋友有次飲野既時候話我好老土，我只想講：你今日覺得好自己in，打扮好合時，聽日你可能就好out，你覺得自己好貼近潮流，但過一排，你睇翻自己既相，可能就會覺得好樣衰，我覺得你祇要堅持自己，堅持自己喜歡既野，咁就可以歷久常新，變成永恆。
所謂過時，你又點會知道幾時又興返，睇見一班對過去事物帶著恥笑眼光的年輕一代，我只能感歎佢地未真正認識乜野係：時代。
前幾日，有個新認識的網友大家都係八十年代出生但大家都好迷戀八十年代音樂同文化，我覺得我好高興認識佢，起碼佢都係對生活同對生命有熱誠的人。
我記得我人生睇既第一部電影係Flashdance, 個時我得幾歲，當然唔知道講乜，不過我就好記得女主角除bra個一幕，係咪好搞？呢部電影咁多年都係我腦海浮現，甚至影響住我的審美，前幾日我買返DVD，睇完真係喊佐出來，我真係被個種八十年代獨有的正能量深深打動，突然好多野湧上心頭，難以啟齒。
人們說：請勿回望，我也說：請勿善忘。
午夜播起了復古之聲，自問自己不是VU或者Lou Reed的樂迷，呢張3 vinyl精選亦係之前買畀工廠妹Leila的，可惜一直未有機會畀佢，我知佢係超級霹靂信眾。
今日同朋友去睇下Hi-Fi輕鬆下，試佐傳說中的萬八蚊HD-800型號Headphone，似乎明白money makes difference的道理，也覺得燒錢原來有好多方法，睇你功力去到邊，發完白日夢，大家繼續回到現實，去大快活傾下輕鬆的席間話題，一樂也。
似乎每次心情很爛或者極佳，唯一的宣泄方式就是：買唱片。相信陳老師也很認同吧。
這兩個禮拜買到一些自己心愛的唱片之餘，有部份簡直當時拿在手時有哭的衝動，或者這就是我還活著的原因吧。
例如這張Dali's Car，我崇拜的Pete Murphy！這也是唯一出過的細碟，在家中播上千回，意猶未盡。
也是找了很久的vinyl，始終對analogue的東西情有獨鍾，CD已擺一旁了。
多謝陳老師，我實在說不出我有多喜愛Associates，那份八十年代的暖流，依舊流淌。
相信是一個輝煌時代的印記。
我對Y.M.O的唱片重來不會停下收藏的腳步，其餘成員的project也不例外。
高橋幸宏與鈴木慶一的合作，實在難得，而且這張是英國版，對我來說，可是珍貴。
另一張他的solo album，充滿昔日Y.M.O的synthy感覺。
另一個驚喜，當年被日本政府立令禁止的樂隊 頭腦警察，聽著70年代的實驗之聲，卻令我想起 錦繡前程。
John Foxx的The Golden Section之前已經有日版CD，這張絕對是我的all time favorite之一。
還差藍色英國版的CD，基本算是沒有遺憾了。
去年，我是為來自大英帝國的這隊歌德全女班Ipso Facto失控得要命，得知香港的White Noise入佐佢地首張日本版E.P "i.f"，我立刻飛扑叫人幫我keep住，因為我已經好少鐘意新野鐘意得咁緊要，一來我老了，二來佢地真係好retro，完全中晒我個飯，主音Rosalie Cunningham曾經係Theoretical Girl客席結它，我唔係所有goth或者post punk都受，要點到即止，好就好在Ipso Facto旋律各方面見好就收，加上keyboard手Cherish Kaya實在係一道亮麗風景線，所有野都係合乎情理地誕生。
連上次去睇The Kills都見到Rayban簽佐佢地，本來大有作為，可惜得知Cherish Kaya同主音有火氣，所以最後都係離隊收場，加盟另外一隊indie班霸Florence the machines，我覺得I.F大概係Ipso Facto唯一的最原本出品，其後的作品，應該會有新方向，點知，真係點知，佢地宣佈解散的消息傳來，我真興奮得要命，哈哈，好啊，我喜歡呢D事情發生係呢種band身上，得一張，以後唔使煩，況且，夠啦，點到即止啊嘛。
主音Rosalie Cunningham另組新band “Ketu”繼續gothic風格， Samantha Valentine個隊Romance仲gothic，睇到band隊宣傳照我都開心到暈，簡直就係視覺享受，嘩，好滿意呢D結局。
年中於White Noise入手之日版I.F ep，現在已經成為滄海遺珠。
Bass手Samantha Valentine另結新歡Romance，就外型已深得我心，我決定繼續追隨Ipso Facto的所有分支。
